عندما يكون النظر إلى صنع الله عبادة؛ فلا تبخل بالنظر فهى عبادة صامتة، أنظر على الصورة المرفقة، ستجد فيها ما يسمى بعروق الكوارتز ثم أنظر عليها مرة أخرى؛ وعلشان خاطرى كمان نظرة؛ هتلاقى دهب مع الكوارتز، طيب تخيل قبل دخول مصهور الكوارتز الشروخ دى كانت الشروخ دى فاضية ما هى سبب هذه الشروخ؟
أكيد فى قوة زلزلت المكان وشرخته؛ لم يشرخ من نفسه!!؛ طيب لو باب عربيتك الحديد وأنت بتفتح الباب صدمت عربية فى الباب، فاتكسر الباب روحت لحمته بأغلى لحام وليكن ماس يعنى حديد وماس هنا وسط غير متجانس تعرف لو حصل واتخبطت العربية أول ما يطق هو الباب برغم ملحوم بأغلى لحام، تعرف السبب إيه؟ علشان هناك وسط ضعيف (غير متجانس) أقولك حاجة، لما تيجى تصب سقف منزلك مش تصبه على مرحلتين لأن هيبقى بينهما نقطة ضعف علشان كده أنصحك تصب مرة واحدة.. تقصد إيه من كلامك؟ هيبقى هناك تردد أى اهتزاز للصبة القديمة وتردد للصبة الجديدة؛ لو حصل هزة هيطق بين الصبتين؛ دا انت دخلتنا فى موضوع لوغاريتمى.
ولا لوغاريتمى لا حاجة؛؛ اختصر لك الموضوع: برغم صخور الصورة المرفقة هى صخور نارية قوية إلا أن بها عدم تجانس لوجود عروق الكوارتز؛ لو تم ضغطها بقوة سيكون أماكن خروج الطاقة هى أماكن عروق الكوارتز المحملة بالذهب أو شروخ بها معادن أو صدوع بها محاليل كانت ساخنة بها معادن.
أنت توهتنى ياعم!!!!!
ولا توهتك ولا حاجة؛ بص على الصورة التانية اللى تحت: اضغط عليها كده قصدى لو فى الطبيعة وضغط وحصل لها اجهاد من حيث لا تدرى هتنفعل يعنى هتطقطق لو كان فيها عروق أو صدوع قديمة يعنى مناطق ضعف أو وسط غير متجانس، وعلشان مش تزهقوا منى هخلى للحديث بقية علشان أشرح لكم فرق الإجهاد (سيجما 1 وسيجما 3) والناس الأجانب اللى اشتغلوا بطريقة جديدة، وبص مؤقتا على الشكل المرفق اللى تحت على اليمين واقولكم طابت اوقاتكم مع (ومن العلم ما قتل) ..
تقبلوا تحياتى..
