خلود بسيوني تكتب: حياتك بمنهج تجارة مع الله.. لن تبور

حاجة لفتت نظري مع بوست تغيير مكان تمثال رمسيس، وأنا كمان عملت share له كأنه رسالة، وفجاة لقيت كتير عاملين share، فمقامك حيث أقمت نفسك، وده دليل علي أننا أصبحنا في زمن كثير منا وصل لمرحلة الشعور بالخذلان نتيجة عدم التقدير الصحيح بعد رحلة من العطاء والإخلاص او سلامة النية اللي استغلها الغير أو طيبة القلب التي لم تحترم ، وممكن حد تصورها ضعف ولكنها كانت رحمة أو الشهامة والجدعنة اللي اتخدت for granted وسمع في الآخر،  وإيه اللي خلاك تقبل أول تستحمل.
بس بجد اكتشفت إنك لما من جواك وعن يقين تودع كل اللي عملته في حياتك ده خالص لوجه ربنا الكريم وتوصل لمرحلة التسليم وتقرر تكمل بنسخة جديدة منك اتعلمت الدرس صح بس علشان تكمل صح بالشكل اللي يرضي ربنا سبحانه وتعالي هتلاقي وتركز انك وصلت لأحسن نسخة منك
عيش حياتك كأنك في مهمة ربنا كلفك بيها علشانه هوه بس، لا تنتظر مدح ولاشيء من أحد،  لأن الذي يعطي ويمنع هوه الله، والشعور الوحيد بالخذلان هوه إنك تقصر في علاقتك بربنا..
نصيحة ..خد حياتك بمنهج تجارة مع الله لن تبور