في حياتنا كل يوم بتعدي علينا فرص بعضها صغير وبسيط وبعضها ممكن يغيّر مسار حياتنا بالكامل. المشكلة إن مش كل الناس بتشوف الفرصة وهي قدامهم أو يشوفوها لكن ما يحترموهاش بالشكل الكافي.
احترام الفرصة معناه إنك تتعامل معاها وكأنها كنز نادر مش هيتكرر مش تستنا الظروف تبقى مثالية لكن تبدأ بخطوة حتى لو بسيطة.
في فرق كبير بين اللي بيستنى “الفرصة المناسبة” واللي بيخلي أي فرصة هي المناسبة
الأول بيقعد يتفرج والتاني بيشتغل وبيتعلم وبيكبر.
الحقيقة إن الفرص مش دايماً بتيجي في وقت مريح أو في شكل واضح ساعات بتيجي متخفية في صورة تحدي أو مهمة صعبة أو حتى مشكلة محتاجة حل.
لو احترمت الفرصة:
هتتعامل معاها بجدية من أول لحظة.
هتستعد لها وتبذل مجهودك كامل
هتتعلم من أي نتيجة حتى لو ما كانتش مثالية.
الفرصة اللي ما بتحترمهاش.. غالبًا هتروح لحد تاني يعرف قيمتها أكتر منك.
